Hringnun Hlimthla

Ni khat chu, Dr Mark-a, Oncologist (Cancer Specialist) hmingthang tak chu Conference pawimawh tak nei tûrin Thlawhna in hmundang a pan a. 

Darkar khat vel an thlawh hnu chuan an Thlawhna chu a chiang lo a, Emergency a tum angai ta tlat mai.

Dr Mark-a chuan Car hawh chi hmangin an Conference na tur khawpui lam chu hmanhmawh takin a pan leh nghal a. A vanduaina a kal tluang a ni fahmiang, an chhuah aṭanga reilo teah thlipui leh ruah thimpui alo thawk nghek mai a. Kawng an hmu mumal thei lo a, kawng diklo an zawh a, kawng an bo chu a ni der mai.

Dr Mark chuan In te tak te hi a hmu a, a va pan a, chu In bathlarah chuan tawm hul an tum a.

Hmeichhe pakhat hian kawngka alo hawng a, in chhûngah lo chawl rawh u, thlipui leh ruahpui ban veleh in kal leh dawn nia alo ti a.

Thingpui te a lo siam sak a. ' Kei chu ka ṭawngtai hun a ni leh tlat mai'  tiin naute khum bulah chuan ṭhingṭhi in a tawngtai a.

Dr Mark-a chuan thingpui in pah chuan chu nu chetla chu alo en reng a. Chu hmeichhia chuan engemaw manganna a nei tih chu a hre thiam nghal a.

A tawngtai zawh chuan Dr Mark-a chuan 'Pathian hnênah khan eng chiah nge i dil, i ṭawngṭaina kha a ngaihthlak tak tak i ring em?' tiin alo zawt a. 

Chu nu chu lungngai taka ṭhen sak pahin, Dr Mark-a zawhna pawh chu chhang chuang lo chuan, 'Khuma mu hi ka fapa a ni a, Cancer natna vâng tak mai a vei a, a natna tidam theitu tur Doctor pakhat chauh a awm a, chu chu Dr Mark-a a nia, mahse chu Doctor rawnna tur pawisa ka nei silo a,'  alo tia.

Dr Mark-a chu a phu chiang kher mai, a mittui a rawn hnam sawk a, ama hriat tawkin, 'Pathian hi a va ropui tak em!!' a ti sap a.

'Thlawhna chian loh chhan te, thlipui leh ruahpui vanawn rawn thawk vak mai te, an kawngbo chhan te, â....., engkim mai kha Pathian remruat vek a lo ni, he nu, he hmeichhe khawngaihthlak tak, ṭawngṭainana bak, engmah neih neilo ṭawngṭaina hi Pathian in angai thla a, amah tanpui tur hian Pathian alo in rawlh a ni' a ti sap a.

Hringnun Hlimthla

Nula pakhat hi Sa siamna Factory-ah a thawk a. Nikhat chu a hna thawhtur zualpui a thawh zawh hnu in, Room pakhat vur leh thildang dah khalna hmun atana an hman ṭhinah chuan lutin a fangkual vel a, chu room vawhdan chu turu tak a ni.

A vanduaina Ni tur a ni fahmiang, chutia a kal kual lai vêl chuan pâwnlam atangin chu room chu anlo kalh hmak mai a.

Room kawngkhar chu a chum ṭhin a, tuman an hrelo, a theihtawpa ringin a au vak vak a, chhawntu reng reng an awmlo. Hnathawktu zawng zawng deuh thaw-te chu an haw vek tawh si a.

Chu Room pawn aṭang chuan Room chhungah chuan eng nge thleng tih chu tumahin an hre lo.

Darkar 5 a liam meuh chuan vâwtin a hmet hlum ṭep tawh a. A thi ngei dawna inhria in a theih ang tawkin a inti lum a, chutih lai chuan vânneihthlâk tak maiin Security Guard chuan kawngka chu alo hawng ri rak mai a. Mak tak maiin thihna aṭang chuan Security Guard chuan chu zan tihbaiawm tak atang chuan a chhanhim hlauh mai a ni.

Nikhat chu Nula chuan Security Guard hnênah chuan 'Kha ni khan engvanga room kawngka kha lo hawng nge I nih? hnathawh hun pawh ani tawh silo a..? tiin mak ti takin a zawt a.

Security Guard chuan ti hian a sawifiah a.

'He Factory ah hian kum 35 zet mai ka thawk tawh a, hnathawktu tamtak hi nitinin an lut chhuak zut zut reng zêl a. Chung hnathawktu tlemte te chauhin min be thin a, chung zînga pakhat chu i ni a. Mi tamtak te tan hian chuan awm velo ang mai ka ni.

Tukin hnathawk tura ilo in Report lai pawh khan nidanga i tih ṭhin dan pangaiin 'hello, vawiin ni hman nuam aw'  tiin chibai min buk leh a, mahse tlailam hnathawkho haw vek tawh hnu pawh khan ka lo chik reng a, haw paha 'Naktukah kan in hmu leh dawn nia' min tih awm reng reng kha ka hre lo. Chu thu sawilo chuan i haw lo tawp ang tih ka hre chiang si a.

Ti chuan thil diklo engemaw chu awm in ka hria a, ti chuan hmuntinah ka zawng kual che a, roomtin  ka lo check ta a ni' a tia

Tu pawh zah leh hawihawm takin be ṭhin rawh, I tana ṭangkaina neilo tura i ngaihte kha i tana mi ṭangkai ber anni thei a nia

Hringnun Hlimthla

Pitar pakhat dinhmun harsa zet mai hian Radio station a call a, 'Khawngaihin Pathianin min lo ṭanpui teh se' tiin phone a dah leh nghal a.

Pathian awm ringlo, mi hausa pakhat hian chu Radio programme chu alo hmu fuh hlauh mai a, chu Pitar chu han fiam zui a chak ta tlat mai a.

Radio Station aṭang chuan chu Pitar address chu a han dil a, Ti chuan a Secretary bulah chuan eitur tam tawk chu, chu Pitar chu pe tûrin a tîr a. Mahse ti hian i ti dâwn nia a ti a. Chu nu chuan Tunge he thil hi min lo pe ? a tih veleh

 _Ramhuaiin an rawn thawn che nih kha_ i ti dâwn nia a ti a.

Chu Pitar harsa takin eitur tam tawk a'n dawng chu a lawm ngang mai. Bag aṭanga la chhuakin a In chhung rem lai laiah chuan a rem nghauh nghauh mai a.

Secretary chuan alo en reng a. ' _Ka pi, kha thil lo thawntu che kha I hre duhlo em ni..?'_ tiin an zawt a.

Pitar chuan, ' _Hriat a ṭul pawh ka ti hran lo, Pathianin thu a pêk phawt te chuan_..... a'n ngawi deuh hlek a

 _Ramhuaite pawhin a thu an awih thin alawm'_ a ti a

Hringnun Hlimthla

Pitar kum upa tawh tak pakhat hian Bank-a cash counter aṭang Dollar 10 lek hi lâk chhuah a lo tum mek a, Bank-a hnathawk chuan ' *Ka pi, ATM Booth-ah va kal rawh, Dollar 100 chin hnuai lampang chu ATM-ah kal tur'* a lo ti a.

Pitar chuan, ' *Enge a chhan ka va hre duh ve?'* alo ti a 

Bank-a hnathawk pa chuan thinrim taka Pitar Bank card pelet pahin, ' Chu chu kan Bank Dan anih chu. Kal sawn tawh rawh, kha, i hnungah mi an tam lutuk' a lo ti a.

Pitar chu reilote a'n ngawi a, chutah a Bank card chu Thawktupa hnêna pe let leh pah chuan, 'Anih khawngaihin ka pawisa neih zawng zawng kha min lakchhuah sak mai rawh' a ti a.

Pitar Bank account a check chu Thawktupa chu a meng phawk nasa hle a. A lu thing muat muat chung chuan, 'Ka pi, khawngaih takin min ngaidam rawh, i accountah hian dollar Maktaduai 1.3 a awm a, tûnah hian kan Bank hian hetiang zâta tam hi pawisa kan kawl lo a. Naktukah ilo kal leh thei zawk angem?' a ti a.

Pitar chuan, 'Anih tunah engzat atam nge a lâk chhuah theih' a lo tia, Bank-a Thawktupa chuan 'Dollar 3000 thleng' alo ti a.

Pitar chuan,  'Anih Dollar 3000 chu minlo pe chhuak mai ta che, alo tia a.

Bank-a Thawktupa chuan pawisa a chhiar fel hnuin Dollar 3000 chu nelawm tâka nuih pahin a pe phei a. Pitar chuan Dollar 10 chu a kawr Iptea khung pahin,

 ' Hawh Vala, dollar 2990 hi chu ka accountah khan deposit leh nghal mai rawh' alo ti a.😀😀😀

 ```Tarte hi harsatna siam sak loh hram tur,

An nun pumpui hi tawn hriatna in a khat tawh si a.```

Hringnun Hlimthla

January Ni 12, 2007 khan New York Lei hnuai kawngah Violin tum thiam tak pakhat hian Violin minute 45 ngawt mai a tum a. Mi tlemte hian an lo thlir ve a, Dollar 30 leh, tlemte in kut anlo bensak ve a, chu bak chu hlawhchhuah dang a nei lo.

Chu lei hnuai kawngah chuan khawvêla rimawi ropui ber leh phuah har ber pâwla an ngaih chu khawvela musician ropui ber anga an chhal ṭhin Joshua Bell-a chuan, a violin dollar maktaduai 3.5 hmangin a tum ruai ruai mai tih kha mipui te'n an hre lo reng reng.

Joshua Bell-a hi Khawvela Violinist ropui ber anga an chhal ṭhin a ni a, khawvel hian angai ropui a, a hming ringawt pawh hi rimawi khawvelah chuan zah a hlawh a sin.

Ni hnih hnuah chuan Boston Threatre-ah Joshua Bell-a'n  Violin a tum dawn a, minute reilo te chhungin ticket 2,000 bawr vel an hralh chhuak nghal a, ticket man hi  chawhrualin dollar 100 man ani leh nghal a nia. Organiser ten Joshua Bell-a chu minute tina a inlan apiangin dollar 1000 an pe dâwn zui. 

Violinist pangai, rimawi pangai...? eng nge dang lam? a tumna hmun a zirin a hlut dan a va dang si em..! tiraw?

Nang pawh, rilru leh ngaihtuahna tamtak sêngin thil ropui tak tak i phuah chhuah te hian, a hlut tur angin a hlu lo riauin i hre ṭhin em?

I rimawi kha a tumlohna hmun turah i tum ve a ni mai thei a sin, khawi hmunah emaw, khawilaiah emaw hlutsaktu che hi chu an awm dawn a ni. chu hmun chu ila zawng hmulo mai mai a ni. 

Chu hmun chu Zawng rawh, engtikah emaw chuan i la zawng hmu ngei ang

Hringnun Hlimthla

Tlangval pakhat hian a thianpa a phone a, 'Thiana, ka mangang hle mai, ka nu a dam lo a, a damdawi leina tur pawisa ka nei miahlo, i tanpuina ka mamawh a, khawngaihin zanah lo kal ve hrâm teh a' a ti a.

A ṭhianpa chuan, 'Aw le, ṭhiana, lo mangang reng reng suh, zanah min rawn call leh dawn nia,' a ti a.

Zanah chuan a ṭhianpa chu a han call leh a, phone a pick thei ta reng reng lo. A tihnawn tlut tlut pawhin awmzia a awm lo khawp mai.

A ṭhian dangte, amah ṭanpui theitu tura a rinte a'n call kual a, mahse phone pick thei reng reng an awm lo.

A rilru a na hle mai a, ṭanpui a mamawh hunlai berin a ṭhiante hian an tanpui duhlo niin a hria a, a in dawm kûn a. Tih theih a nei tamlo khawp mai.

Beidawng takin Inah a haw a,  a room a lut chu, a Lukham bulah chuan damdawi tamtawk leh Doctor in anu damdawi a chawhna lehkha lo awm chu a hmu a. Mak a ti hle mai. 

Hei hi tunge lo dah? tiin a unaupa chu a zawt a, a unaupa chuan, 'I ṭhianpa anih kha, Doctor in ka nu damdawi a chawhna lehkha kha min dil a, damdawi a va lei a, kha alo dah a... Ilo haw hma khan a haw veleh nghal a.

Chu tlangval chu lawm avangin a mittui a tla a, a ṭhianpa te Inah chuan thil awmzia zawt chiang tûrin a kal nghal a.

A ṭhianpa te In a va thlen chuan, ' Ṭhiana, enge thil awmzia, Phone call i la thei silo a', a tia. A ṭhianpa chuan, 'Nia, ṭanpui i ngai tih i rawn sawi khan tanpui ngei che ka duh si a, mahse pawisa ka neih loh lai tak a ni a'

 'Chuan engtin..?' alo ti vat a..

'A....i nu damdawi leinan khan ka phone kha ka hralh daih alawm...'