Nakin deuhah chuan Lawng kartupa lam chu hawiin 'Philosophy lam hi hriat i nei ve em?' a ti a, Lawng kartu chuan in ngai tlawm taka nui sak pahin, 'Nei miahlo ka pu, zirnan hun ka nei ve lo a' a lo ti a. Chupa chuan, 'Nun hlutna zawng zawng hmun li a then hmunkhat i hloh a nih chu' a lo ti a.
Chutah, 'Anih Science lampang tê, Vansang lampang Chanchin tê hi?' tiin a lo zâwt leh a. Lawngkartu chuan, a Lu thing nar nar pahin 'Ka pu ka hre lo, vansang chhum awmdan atangin thlipui leh ruahpui lo thleng tur erawh ka hre ve thei mai a' tiin alo chhang leh a. Chupa chuan, 'Nun hlutna zat ve zet chu i hloh anih chu maw le?' alo ti leh a.
An pahnih chuan ngawi rêngin Tuipui zau takah chuan an inkar zêl a.
Nakin deuhah chuan Chupa chuan, 'Literature lampang tal hi chu i hria ang tiraw? Hlahril mawi tak tak leh thuziak ngaihnawm tak tak te hi?' tiin alo zâwt leh a. Lawngkartu chuan a Lawng karnain tui a kar per chhak chhak lai en reng chung chuan, 'Hre lo ka pu, thli thawt vel dan aṭanga tui Fawn in chhâwk kualdan tur bak ka hre lo' a lo ti leh a. Chupa chu a nuih a za hle mai a, 'Nun hlutna hmun li a then hmun thum zet i hloh tawhah ka ngai' a lo ti a.
A hnu deuhah chuan kawlkil alo thim mup mup a, thlipui leh ruahpui-in a nuai ṭan chu a ni der mai. An Lawng chu a pil lek lek a. An hlauthawng dûn hle mai a.
Lawngkartu chuan 'Ka pu, tui hleuh i thiam em? a ti a, Chupa chuan hlauthawng takin, 'Thiam na'ng, Zirnan hun ka neilo a lawm' alo ti a.
Lawngkartu chuan, a piah tuipui zautak chu thlir pahin, ' *Ka pu, nun hlutna zawng zawng i chan palh ang tih ka hlau hle mai'* a lo ti a.
*A zirtir* : Tumah hi an zir sanloh avangin hmusit ngawt suh, Mi zawng zawng hian thiam zawng leh hriat zawng an nei vek a, chu chu i hriatna leh thiamna zawng zawng ai pawh khan aṭang kai thei a nia
No comments:
Post a Comment