December 23, 2018

Bethlehem Arsi kha..!!!


Tun hma leh tun hnu thleng pawha Mithiamte leh Arsi lam chanchin zir mite lu tihaitu ber chu Isua pian laia Arsi lo lang kha eng Arsi ber nge ni ta ang tih hi a ni. Chanchintha dangin sawi lang lo mahse Chanchintha Matthaia ziak kan en chuan chiang takin mifing hoten arsi an hmuhthu kan hmu a ni.
            Rin dang hrang hrang leh chhui dan hrang hrang a awm a, Mithiam filawr tak tak ten Isua pian hunlai vel a Arsi lo lang, Bethlehem arsi nia an rin tam tak a awm a, an zingah in hnialna pawh tamtak a awm a, kan Lal Isua pian hun tak chianglo hi mithiamte lu tihai zualtu leh in hnialna ti tam zualtu leh Bethlehem arsi chhui ti harsa zualtu ber a ni.
            Rin dang hrang hrang leh chhui dan hrang hrang tam tak a awm a.  Chung zinga rindan tlang lawn ber ber chu i han sawi dawn teh ang.

Comet (Simeikhu) : Cambridge University-a Material Science Department-a an Professor Colin J. Humphreys chuan ‘5 B.C-ah Comet a rawn lang a, chu chu Bethlehem Arsi diktak chu a ni e’ ati mauh mai. He Comet hi hmanlai Arsi lam chanchin zir mite leh Chinese-ho paw’n ziaka chhinchhiahin an lo dah nghe nghe a. Colin J. Humphreys chuan a sawi zeldan chuan ‘He Comet hi 9 March - 4 May thleng hmuh theihin a awm a, Isua pawh hi March – May  5 B.C a piang a ni’ a ti. Luka 2:8-9, ‘Zanah an Berâmho an vêng a, Phulah an riahchilh a’ tihlai hi rawn changchawiin ‘Isua hi thlasik laiin a piang lo a, Berampute’n thlasik laiin Beram an veng ngailo, Nipui lai chauhin Beram an veng țhin’ a ti bawk.

September 26, 2012

I hria em? Dan maksak deuh deuh te....!!


Alabama-ah Savawm in sualtir khap tlat ani.
Alabama-ah tho hian hmuihmul lem vuah khap tlat ani, a chhan chu biakinah nuihza a thlen thin a.
Alaska ah chuan  sazu anung  chunga thlawhna atanga  paih thlak hi khap bur ani.
Arizona ah chuan misualin an beithut che anih pawhin an hriam hrei hman ang chiahin I bei let ve tur a ni, hriam hrei dang hman phal anilo.
Miricopa county (country anilo ania) ah chuan hmeichhe paruk arualin in khat ah chen phal ani lo.
Tombstone ah chuan hmeichhia leh mipa kum 18 tling tawh chuan an nuih laiin an ha bal pakhat aia tam tih lan khap tlat ani.
Arkansas ah chuan tu paw’n an nupui te an vaw thiang a, mahse thlakhatah vawikhat aia tam an vaw tur a ni lo.
Arkansas-a Little rock-ah chuan zan dar 6 hnuin ui bauh khap tlat a ni.
California-ah chuan Motor khalhtu awm lova darkar khat a Mel 60 a chaka tlan khap tlat a ni.
California state a Blythe hmunah chuan cowboy boot I bun duh chuan bawngpui pahnih tal I neih a ngai.

September 24, 2012

September Hringnun Hlimthla


Kut dawh a tla chhe ve ngai lo.
Mistiri thiam lo chuan a hmanrua a sawi sel thin
Savate hi an hram dan atang a hriat hran theih a nia.

Arpui dum paw’n artui var tho ani a awp ni.

Zawhte chu a kut I tuam sak chuan sazu aman thei lovang

Tuitla chuan buhpawl pawh a man duh.

Mi a in darkar khat chhungin miffing kum sarih chhan theih loh zawhna a zawt thei.

Lawng lian tak tak chuan tui thuk a ma mawh.

I pawisa ip a rih poh leh I rilru a zang huai ang.

Hmunphiah thar chuan a phiat fai nge nge thin.

Chinghnia chu chinghnia-in an hria angin rukru chu rukru vekin an hria.

August 11, 2012

Mama, ka nunna i nia sin?

Indian naupang pakhat hi a chhungte'n boarding a lut turin hmun hla takah an thawn a, chu naupang chu naupang thiam thei tak ani a, an school ah phei chuan examna reng rengah  ti tha ber a ni zel a.

Mak tak maiin, in chhuah sana boardinga a luh hnu chuan chu naupang chuan a zia a thlak a, examnaah pawh a thla hniam tial tial a. Thiante zingah pawh awm peih lovin mahnia, a fala awm nuam a tizawk a. A nun chu a ning ngawih ngawih thin a, intihhlum teh pawh a duh hial thin, a chhan chu tumahin an ngaihsak lovin a hria a, khawvelah hian hmangaihtu pakhat mah nei lovin a in hria a.

July 19, 2012

Marine-a pa....?




Nurse nula, la naupang tak hian sipai tlangval ngui leh chau tih hriat tak hi damlo thi lek lek bulah a rawn hruai a,
‘Hei le I fapa chu’
Nurse chuan Damlo chautakin a mit a rawn men hmain chu thu chu vawi engzat nge a sawi hman pawh a in hre lo.
Chu damlo, lung lam that loh vanga thi lek lek tawh chuan harsa titak chungin amit chu a rawn meng riai riai a. A oxygen bur bula tlangval la naupang tak, sipai Uniform thuam famkima in thuam Marine-a ding chu fiahlo takin a hmu thei ruai ruai a. A kut a phar chhuak a, Marine-a chuan Damlo kut chak lo tak leh vawt tak mai chu hmangaih leh duat tih hriat takin alo vuan nghal vat a. Nurse in chair alo laksak a, Marine-a chu damlo khumbulah chuan a thu a.

May 23, 2012

May thla Hringnun Hlimthla


  • I taksa kha enkawl ngun hle ang che....i hnuk awmna a ni si a.
  • Nun hi thil pek hlu tak ani....nuam takin hmangla, i hlimzia mite hmuh theih turin pholang thin ang che.
  •  Tumah hnungtawlh zawngin an thang ngai lo. I hma lam en rawh? Nakina i awmdan tur a leh reng saw.
  • Mi fing chuan nimin atanga lo chhuak ani tih a in hria a, naktuk lo la awmtur tan Pa ani tih a hai bawk lo.
  • I suangtuahna te kha i mumang ang main thamral tir thin suh.
  • Beiseina leh tumna chu tha hle mahse thawhrimna in zui loh chuan mumang aiin a ropui chuang lo.
  • Hringnun leh football hi an in ang tih hriat tur, Goal ban awmna lam i hriat loh chuan hlawhtlin ni i nei ngai loving.
  • I tum i thlen theih loh avang khan lungngai suh, thlen tum pawh nei miah lova hma lam pan ve mawp mawp te ai saw chuan i thleng thui dawn hrim hrim.
  • Vanneih i duh em? Thawk nasa la mi vannei i ni mai ang.

May 17, 2012

Hmangaihna chauh...!!



Do you love me Becos i am beautiful or am i beautiful because you love me? 


Indopui lai khan Sipai tleirawl rethei ve  tak leh nula hmeltha tak pakhat hi an in hmangaih tlat mai a.  Nula nu leh pa chuan an fanu chu chu tleirawl tlangval chu ngaizawng lo se an duh hle mai a, a chhan chu an rethei si a.

Mahse chu tleirawl fingtak chuan nula thinlung chauh hneh lovin, nula nu leh pate thinlung hneh chu zawi zawi in a hneh a, nula nu leh pate pawh chuan mi tha tak ani tih an hria a, an fanu pasal atan chuan a duhta hle a.
Harsatna dang alo thleng leh ta tlat mai, Chu sipai chu ralkap turin ralram, tuipui ral ah kal a ngai ta thut mai. 

Mother's Day pualin Nu Hmangaihna.....!!

"Ka nu duhtak, tun thlenga min la dampui avangin ka lawm e"

Ni khat chu kan fapa naupang te kum 6 hian a nu ei rawngbawl lai chu lehkha them hi a pe a, a nu chuan a kut chu an hru hul te te a, a fapa lehkha pek chu a’n pawt parh a, he thil hi alo in ziak a.
1.       Hnim ka cut man Rs 5
2.       Tun kar chhung ka room ka tih fai man Rs 3
3.       Dawr a min tirhman Rs Rs 2
4.       Dawr a i kal kara ka nau ka lo awm man Rs 5
5.       Bawlhhlawh ka paih man Rs 6
6.       Sikula ka tih that man Rs 4

A vaia i ba Rs 25

April 02, 2012

Riru khawih leh Thinlung hneh thawnthu chu...!

 
 ‘Hmanhmawh taka zai tur an awm’ tih phone call a dawn chuan a thiltih lai zawng zawng chu dah thain a thawmhnaw a siam sawk sawk a damdawiin a pan nghal a. Damdawi in a han thlen chuan damlo a zai tura nu chuan doctor chu a lo vin hlawk hlawk mai a.
‘Ngatinge I muanchan em em? Ka fapa  nunna derthawnzia te hi I ngaihtuah miah nange? I mawhphurhna pawh I hre lo’ alo phiar phiar mai a.
Doctor chuan nuisak pahin, ‘A pawihle mai, Damdawi Ina ka awmloh lai a nia. Ka hriat veleh hmanhmawh thei ang berin ka rawn kal nghal, khawngaihin dawh hram hramla I fapa chu ka’n zai tan ang e” a tia a.
‘Dawh hram hram  ….! hetiang dinhmunah hian I fapa ding ve se I dawh hram hram thei dawn a mi le’ thinrim takin chu nu chuan alo ti a.
Doctor chuan nui chungin, ‘Doctor te hian kan duh avangin nunna kan pawt sei bik chuang silova, tikhan I fapa tan lo tawngtai la, Pathian khawngaihna azarah hlawhtlin ngei tumin theihtawp ka han chhuah ang e’ a lo ti leh mai a.
Chu nu chuan phun bul bul chungin “Mahni zawm tur nilo thurawn in pek te chu a awl a lawm” alo ti
Darkar khat dawn lai mai an beih hnu chuan Inzaina pindan atang Doctor chu hlim hmel pu takin a lo chhuak a, “ Pathian zahngaihna avangin……..ava han lawmawm tak em..! I fapa chu a tha e!”  a ti a.
Zawhna leh chhanna pawh ngaichang hmantawh lovin ‘Zawh duh I nei anih chuan nurse ilo zawt mai dawn nia..” tiin hmanhmawh takin damdawiin a chhuahsan leh nghal a.
Chu nu chuan a bula nurse hnenah “Ava han chapo tak em! Ka fapa chanchin te chu ka hrechiang duh a sin mawle, engatinge kha ti em em khan a hman hmawh a’ a ti a.
Nurse chuan, a mittui hruk fap phahin, ‘Nimin khan a fapa accident in a boral a, I fapa zai a ngai tih phone a kan va hrilh lai khan a fapa vuina hun an lo hmang mek a, tunah chuan I fapa hlawhtling takin a zai dam tawh a, ani chu a fapa vuina a tel leh turin hmanhmawh takin a tlanliam ta anih kha’ a lo ti sap a……!!!!

Tumah hi nangma lam atang teh ngawt suh, I hriat loh harsatna tam tak an nei thei a nia.



                                                          Source katiharho.blogspot.in 

March 29, 2012

Hmangaihna leh Inthianthatna


  • In nuihseihna atangin hmangaihna chu an intan a,  arawn duhawm chho zel a, infawhnain a zui a, a tawpna mittuiin a khar leh nghe nghe thin.
  • Nangmah avanga mittui farkhat pawh seng ngailo hnenah khan I mittui kha hlan kher a tul lo.
  • Ngawih theihna hian a chang chuan thu a sawi tam fo thin.
  • Khawvela thil har ber mai chu kan hmangaihte, min an lo hmangaih lai a thlirtu nih hi a ni.
  • Kal san I duh chuan I hmuh theih loh thleng rawkin nawr ta che.
  • Nun  hi a tawi a nia, I bula thil thleng I thlithlai reng loh chuan I chan palh ang e.

March 28, 2012

Dawn tisei.....!!!

                                    
John-a tlangval la naupang tak chuan  BA result a nghak mek a, thla tam tak liam ta atang a alo awh em em, Sport Car, dawr a an zawrh  mawi a tih em em, nitin a han en thin chu a pa’n leisak se a ti em em a.  A pa’n enge a duh a zawt ngei ang a, chu sport car chu a’n sawi ang a, a pa’n a leisak mai dawn a ni. Sumah a pa a buailo tih a hreve tho si a.
 
Ti chuan an result chu alo chhuak ta, duhthusamin a passed tha leh nghal, a pa’n thil thlawn a pek tur chu nghak hlel takin a lo thlir a. Tichuan, a pa’n  an room a koh luh lai chuan a phur kher mai. A pa chuan fapa fel tak leh lehkhathiam tak a neih avanga a in chhuanzia te, mizinga afapa a chhuan zia te alo hrilh sap sap a. Ti chuan thil bawm, uluk tak a tuam chu a fapa chu a pe ta a.

Chu tlangvala chuan thin phu dep dep chungin chu thilpek chu an hawng a, hmuhtheih in a hmel a dang nghal,  a kawm pawh savun ngata siam Bible alo awm reng a..!! Thinrim takin a pa a melh a, a aw tawpa au in ‘sum hman sen loh i nei a, Bilble ringawt min lei a maw..?’ tia Bible paihthla thlawrh in , thinrim takin a pa in chu a chhuahsan a.

Hun leh nite alo in her zel a, John-a chu sumdawng hlawhtling tak ah a in chher chhuak a. Sum hman sen loh a nei a, in mawi tak a nei a in a nupui fanaute nen hlim takin an cheng a, amaherawh chu a pa chu a tar tawh viau ang tih a hria a, vawi khat tal chu han tlawh a rilruk a, BA a passed ni atang vawikhat mah a hmu tawh lo kha a nia. A pa tlawhtur a a in buatsaih lai chuan thirhrui atangin a pa a boraltawh tih leh a ro zawng zawng afapa john-a tan a hnuchhiah ani tih a hria a. Chu thil a hriat chuan thil tifel tur a  a pain chu pan vat a ngai tih a hria a. Tun hmaa an in hlui John-a’n a han thlen chuan a in chhir em em a.

A pa lehkha pawimawhte a’n zawng khawm a, tun hma, a BA passed lawmnana a pa thil pek Bible la thar hlak mai chu alo awm reng a, mittui tla chungin chu Bible a tuam mawina bawm pawh la kheh hawn that loh chu a’n la kang a, keu a chhiar a tum lai chuan envelope atang chuan car chahbi a rawn tla chhuak nalh a, Bible khan alo delh chu niin.

Chu  Car chahbi bulah chuan lehkha alo awm a,  John-a car awh em em Sport car neitu dawr hming a lo awm a, John-a’n a date a’n en chiang chu a BA result chhuahni chiah kha alo nia a, a hnuai lawk a apa kut ziak…..’A Vai a Pek I Ni’ tih alo awm kiau a.

A zirtir : Kan rindan leh kan beisei dana kan dilna te kan hmuh loh thin avangin Vawi engzat nge Pathian thilthlawn pek hi kan hnar thin le

March 22, 2012

Marilyne Monroe khabe liam…


"Ka hmelthatna hi mipa pakhat chauh tan chuan a uihawm lutuk lam deuh ani" Marilyne

  • I naktuk hun tur chu anuam viau pawh a ni thei e, amaherawh chu zan khawvawt tak hnuaiah I tibo thei a nia.
  • Lemchang thiam ho hi khawl an nilo a nia, mahse khawl angin mi zawng zawngin an en tho sia, Pawisa siamna khawl angin
  • In neih hma chuan hmeichhiain mipa a fawh theihna turin a hmangaih a ngai a, in neih hnu erawh chuan a hmangaih theihnan a fawh a ngai thung.  

  • Lemchang thiam hmingthang tak nih beisei a duhthusam hunlai kha Lemchanthiam hming thang tak nih aiin alo nuam zawk a nih hi
  • Hollywood chu hmun vawikhat mi I fawhin sum tamtak an pe ang che nga, amaherawh chu I thlarau chuan siki sen bak a hlawh loving.
  • Midang nen a in tih thiamloh a hlimloh ai chuan mahni chauh lungngai a in dawm kun hi ka thlang zawk.
  • Neih ka neilo tih hi a dik lo. Radio chhia ka nei vet ho.
  • Ka tet lai kha chuan tuman I hmeltha min ti ngai lo. Mahse tuman hmeltha min tih loh lai hian hmeichhia zawng zawng hian hmeltha kan inti vek.

March Hringnun Hlimthla



  • In tlansiakna kawngdikah chuan tlan mahla I thut miau chuan an tlan pel thovang che.
  • Upatna hian lehkha bu tam tak ai chuan finna min pe zawk a nia.
  • Mifing chuan mi thil tihsual atangin a in zir a, mi a chuan ama thil tih sual atangin.
  • Ngawih reng pawh hi finna en tirna a ni vek kher lo.
  • Ruahsur tur a I tawngtai chuan, a tul anga tuihawk buaipui turin in peih nghal ang che.
  • Pheikhawk I neilova Pathian I sawi sel nghal a mi, I hma a Ke neilo saw en t ache.
  • Thli nat na hmun a piangah Thingin Zung an kai thuk thin.
  • Tu pawhin tui fawn loh lai chuan Lawng karfung chu an vuan ngam ang chu.

March 16, 2012

Akbar-a Mumang



Nikhat chu Lal Akbar zing tho chu a te chung mai a, a chhiahhlawh pawn a awm chu tui kengin a rawn tlan lut a.
Lal chuan, “Darthlalang kha rang lutuk in min han lak teh” a ti tuarh a.
Chhiahhlawh chuan a tui ken chu a’n dahtha te te a, ti chuan Darthlalang a sir lawka awm chu lalpa chu a pe a.
Lalpa chu darthlalang ah chuan ngun taka in bihin, a’n then vel thin a. Darthlalang chu her kual in a ka a ang vak vak bawk a. A ha chu a kim nge kim lo a’n chhiar nghauh nghauh a.
A chhiahhlawh hnenah chuan, ‘Eng mangchhia nge ka neih chu le, ka mangah ka ha hmai pakhat chauh tih loh chu alo bal vek chu le. A va han mak tak em..!!! Eng mah chhia nge ni ang le..?” a ti a.
A chhiahhlawh chuan, ‘Lal zahawm, Aienthiam ka ko dawn a em ni ang’ a ti a.
Lalpa chuan, “Hmmm. I tidik e, ko hlawm teh, ka mumang chu han hrilhfiah teh  se. A awmze diktak an sawi thei tur hi ani ringawt..” a ti a.
Ti chuan aienthiamte chu anlo pungkhawm a, an thiamthil hrang hrangte, an hmanraw neih ang ang te, an dawihla te chhamin leh an dawi Lehkhabute rawn chungin an bei a, a tawpah an in be ru sep sep a. Lalpa chuan a lo nghakhlel tawh khawp mai. An zinga upa ber chuan, “ Lalpa I ha hmai pakhat chiah awm I tih kha nangmah I nia, a dang bal vek I tih kha I chhungkhat lainate an ni, I chhungkhat lainate zawng zawng I thih hmain an thi vek dawn,’ a rawn ti a. Akbar-a ngaihdan anilo tawp mai, ‘ Chutiang ani thei lo, dawt muhlum anih chu dawt muhlum’ a ti tuarh tuarh a. Chutih lai chuan Birbal-a Lalkhawnbawl chu rorelna pindan chhungah alo pen lut ve chiah a. An thu khel chungchang a’n hriat chuan Birbala chuan, ‘Chutiang ani hleinem, Lalpa, I mumang awmzia chu in chhungkaw zingah I dam rei ber dawn tihna a lawm’ a lo tia. Akbara’n chu thu a’n hriat chuan, a hlim em em a. ‘Chu chu hrilhfiahna dik chu a ni’ a tia Birbala bawk hi a ni Lalber Akbara lungawina pethin tu chu.

March 13, 2012

Engtin nge Hmangaihna hi an sawi ?



  • Chaw chak avanga tamchhawlte aiin hmangaihna a vanga riltam te hraipuar an har zawk.
Mother Teresa
  • I hmelthat em avanga hmangaih che hi nge ka nih le ka hmangaih em che vanga hmeltha I ni zawk tih pawh ka hrethiam nek love.      
                                                            Richard Rodgers and Oscar Hammerstein II, Cinderella

  • En teh, nitin hian ka hmangaihna che hi a zual a, nimin aiin ka hmangaih zual che a, naktuk lo thleng turah pawh ka hmangaih zual zel ang che.
                                                            Rosemonde Gerard

  • In huatna chuan ser mawilo leh zahpuiawm tak a hnuchhiah a, amaherawh chu hmangaihna chuan ser mawi tak, I mawipui em em a hnuchhiah dawn che a lawm.
                                                            Mignon McLaughlin, The Second Neurotic's Notebook

  • Midang pawh hmangaihla I hlim ang, amaherawh chu thil hote har tak a ni.
                                                            Michael Leunig

  • Hmangaihna hi awm ta lo se he khawvel hi thlamual ani ringawt mai ang.
                                                            Robert Browning

  • Min hmangaihla khawvel hi ka ta ani mai dawn a lawm.
                                                            David Reed

  • Hmangaihna chuan I thlarau kha I tawmna hmun biru taka tang khan a rawn vah chhuah tir dawn a lawm.
                                                            Zora Neale Hurston

  • Tar tawh lama hmangaihna lipuia in hnim pilte chu thlasik laia pangpar lo par chhuak ang a ni.
                                                            Portuguese Proverb

  • Hmangaihna hi infiamna chikhat, a tu lam ve ve pawhin a chakna an chan theihna chu a ni.
                                                            Eva Gabor

  • Hmangaihna leh Hritlang khuh hi chu mizingah a thup bo theih tak tak loh.
                                                            George Herbert, Jacula Prudentum, 1651

  • Hmangaihna hi chu Tennis I khelh lai chua engmah lo mai a niang, mahse nunna hnar a ni si a.
                                                            Author Unknown

February 07, 2012

Enge an sawi.....?

An ni chuan an ti thei tlat a lawm, a chhan chu theiah an in ngai tlat a.
                                                                                          -Vergil
I ngaihtuahna ang ang kha I nihna chu a ni mai.
                                                                                        –Buddha
Enge kan neih kan ngaihtuah khat khawp mahse kan neihloh erawh chu kan ngaihtuah reng si a.
-Arthur Schopenauer (1788-1860)
Chawl lovin hmalam pan zel rawh, tum pakhat chauh nei bawk la, Chu chu hlawhtlinna bul ani mai.
- Anna Pavlova (1885 - 1931)
Hlawhtlinna chahbi sawitur ka hrelo mahse hlawhchhamna chahbi erawh ka hria mizawng zawng tih lawm tum hi ani.
-Bill Cosby (1937 -  ?)
Nang chuan thil I hmu a ‘Engah nge?’ tiin zawhna I siam a, mahse kei erawhin thil ni theilo pui pui ka suangtuah kual vel a ‘engah nge’ pawh ka ti hlei law.
                                - George Bernard Shaw (1856 - 1950), "Back to Methuselah
I suangtuahna a tawp tawh chuan I muhil a ni chiang mai.
-Ralph Green and Gregory Garcia
Mi a chuan hlatakah hlimna a zawng thin a, miffing chuan a kebulah a chhar mai a ni.
-James Oppenheim
 

February 06, 2012

February Hringnun Hlimthla


  • Vawiina I nihna kha I nihna dik tak ani mai, chu aia thudik a awmlo. Nangmah ang khawvelah an awm miau lova.
  • A changchuan zawhna khirh tak tak te pawh hian chhanna mawl tak tak a hlawhchhuak fo  a nia.
  • Pan lam tur ber I hriat Ioh chuan I hma a kawng awm awm kha zawh tawp rawh, khawi hmunah emaw chuan a hruai thleng hrim hrim ang che.
  • Hringnun pawh hi thirsakawr ang a nia, chuan dan I thiam chauhin a ni hmalam I pan theih dawn ni.
  • Thihna chuan in lai chinna ni lovin nunna zawk ani a tih tawp thin ni,
  • Rimawi tel lo chuan hringnun hian kawng a zawh sual chawk zel.
  • I rilru chhungril a I vei em em, I sawi chhuahloh aia natna thlentu che kha  a awm lo ania.
  • I duh zawng anih loh chuan thlak mai rawh, I thlak thei lo anih chuan I rilru kha thlak zawk mai ta che. Sawi sel miah suh.

                                                                                             Source The Shadow Hlimthla

                                                                            

January 21, 2012

Mi Lem Rit Zawk Chu.....!!


Nikhat chu, Lal khawnbawlten ruahsur tlaina chhan nia an rin an sawi khawm laih laih lai chu Akbara chuan ngun deuhin alo ngaithla a.
Khawnbawl pakhat chuan, ‘Hmanlai thawnthu atangte a ngaihtuahin Varuna, Tui Pathian hi kumin chu kan chungah zah ngaihna a lantir dawn lo a niang’ a ti a.
A bul lawk a khawnbawl pakhat chuan, ‘Kum bul kan hmangtan ve dawn chauh a nia, ngatinge tunah kan lo sawi ve vak..? Varuna pawh a hmanhmawh lo pawh a ni maithei a sin, mahse hei erawh ka chiang, kan chungah ngil a nei ang a, ruahtui pawh khamkhawp kan dawng ngei ang’ a lo ti ve bawk a.
Khawnbawl dang pakhat chuan, ‘Ruahtui te chu Indra thu a lawm, Indra te chu pathian te pathian ani a, pathiante zawng zawng paw’n a thu pek an zawm thin a lawm. Indra hian Varuna hi thu pe sela chuan Varuna hian ruah a sur tir tawh ngei ngei ang’ tiin alo hnial hlawm a.

December 03, 2011

If You Go A Way

I was like a river without banks.
Like a flower without scent. I was like a
dry leave in the air. Darling,
when you were not there.




You watered the lifeless tree.
You made a bird in the cage free.

November 30, 2011

'Nang Ngaih Banzai Ka Rel Mahna'

Mami of Birmingham

Duhtak, thla ruk lek kalta atanga kan inhmelhriat dan kha han ngaihtuah kir ve mah teh.?Nun beidawngin ka in dawm kun a, tanpui ka ngai tih i hria a, min rawn tanpui a nih kha. Mahse,khatihlai khan ka thian chhar thar hian beidawnna ruam atanga min hruaichhuakin, tahna leh lungngaihna ruamah min hnuk lut dawn a ni tih reng ka lo ngaihtuah ngai lo.

Hmelthate vanneihna khawvela kan chen miau avangin, midangte tana lungngaihna khawvel hian, i tan hlimna kawng a sialsak thin che a, dawnsen rual loh malsawmnaa vurin i awm thin a nih kha. I hlimna parzu dawn dun a thenrual dang pawh ngai lova kan nuih dun laite kha han ngaihtuah kir ve mah teh? Sylvia, nang zawng lenrual zawng zingah chulram derhken par ang maiin i langsar a, Vohbik nihna i hmelah a lang hliah hliah thin a nih kha. I thatna leh nungchang mawina te khan, i thian englaimaha fak mawina awka dawng ve ngailo kha dinhmun sangah min din tir a, i ropuina lallukhum min khumtir a, phut let nei miah lovin ka chungah thatna leh ngilneihna i lantir thin a nih kha! Mihringin a mihringpui hnena a thilpek hlu ber “Thian hmangaihna” chu dawn sen rual lohin min hlan thin a nih kha mawle...

November 29, 2011

GAC KA TI LEH THIN ANG….GAC

A chhan chhiarsenloh Sawmsarih avangin GAC kha ka ngai thin. Mi chi hrang hrang, dinhmun leh khawsak dan in ang lo tak tak leh mize in ang lo pui pui kan han fuan khawm a. Vawikhat class kal fuh ve tum a thawm nei hat hat theite an awm laiin, athen kumtluana class kal ve si, a class-puite ngei pawhin an hriat mang lohte leh Lampui chang khata tawh chang pawh a mi’n an melh liam ve mai mai ngai loh tur, mipui sahawk pawh hnarthei tur khawpa hmeltha leh zun paite an awm laiin, ‘A pu ro nen lam pawh sawn a nakruh bo zawng

November 28, 2011

Puithiam leh Rul

                                 
Hmanlai hian khaw pakhatah Chawngkawr kawlh zet mai hi a awm a, mi tamtak a chuk hlum a. Chu khua a chengte chuan an hlau em em a, a thente phei chu khaw dangah an pem phah nghe nghe a ni.

Khua a thim tawh chuan tumah pawnah an chhuak ngam lova. Khaw mihring an ralti em em a, an hlim theilo, Chawngkawr dum chuan a chuk ve ang tih an hlau tlat a lawm. Nikhat chu Puithiam pakhat hian an khua a rawn tlawh a, Chawngkawr dum avanga chu khaw nawmloh dan chu hmu a, khaw mipuite hnenah tanpui a tiam ta a. Chu Puithiam-a chu Chawngkhawr kaw bulah chuan a va kal a.

Chawngkawrin mihring ke pen ri a hriat chuan pawnah rawn chhuakin thinrim taka inhrosain a nghawng a ti parh vel a. Mahse chu Puithiam-a chuan dawi alo thiam hlauh a, rul chu a dawi lungawi a. Ti chuan midang ti na tawh lo tur leh tha taka nung turin a zirtir nghal a. Puithiam-a in a thu a hrilh hnu chuan Rul chuan a nungchang a thlak a, tumah chuka ti na tawh ngailo tur leh tibuai tawh ngailo turin thu atiam a.
Chu khua a chengte chuan Chawngkawrin a nungchang a thlak avangin an lawm em em a Mifinga chu lawmthu an hrilh bang lova.

Chu Puithiam-a chu a tih thin dan pangaiin miretheite chhawmdawl tur leh tanpui ngaite tanpui turin chu khua chu a chhuah san ta a. Ni reitak hmun dang a thang hnuin nikhat chu chu khua, Chawngkawr awmna khua chu a va tlawh leh hlawl a. A thil hmuh chu mak a ti hle a.
Chu khaw mipuite chuan Chawngkawr chu lungin an lo vawm luai luai a. A hma a, Chawngkawr kawlh leh hlauhawm tak khan ngawi rengin alo dawh thung a. Naupangte paw’n chu chawngkawr chu an lo hlau tawh lo hle a. Chawngkawr chu hliam natak a tuar tih a hmel atang paw'n alang reng, a lu atang tein thi te a chhuak a.

Chu Puithiam-a chuan khaw mipuite chu a hau a, an ni chuan Puithiam-a an hmuh veleh an lung ken laite pawh chu dahthlain an mahni in theuhah an haw hlawm a. Chawngkawr chuan Puithiam a hmuh veleh,  “Aw puithiam, midang tina tawhlo turin min hrilh lul tawh suh, hei i thupek zawma tumah ka tihnat tawhloh atang khan he khaw mipuite hian min ngai nep a, min tina thin. Tun hma a ka nun ngai ang khan ka nung leh mai ang' a tia.

Puithiama chuan, “Nilove. Midang i tihnat thin kha thil diklo a ni. Chuan tunah pawh hian i thiamlo hulhual. Engatinge thil zawng zawng ngawi reng a i tuarh le. .? Mi dang tina lo turin ka zirtir che a, mahse nangmah i'n ven erawh a thiang alawm. Miin an hmuhsitlohna tur che leh an tihnat lohna tur chein i tur i hmang thiang alawm' ati a.

              Zirtir : Midang tina lo la, midang pawhin an tìna tur che a ni lo.

November 22, 2011

'Nangman Engkimah Min Hria E'


Lalpa ka mamawh i hria; i duh chuan min pe thei e.

Ka nih chak ber i hria, i duh chuan i ti hlawhtling thei si.

Ka lungngaihna chhan i hria; i duh chuan lawmna chuai theilo min pe thei e.

Ka mittui tlakna chhan i hria; i duh chuan hlimna tawp theilo in min vur thei si.

Ka hreawmna chhan i hria, i duh chuan nawmsakna min pe thei e.

Ka hlawhchhana chhan i hria, i duh chuan min hlawhtlintir thei si.

Tu nge i nih ka hria che a sin.Lei leh van siamtu engkim ti thei i ni tih ka hria a.
Engkim mai hi i remruat avang lo awm an ni si a.
Chuti engatinge Engkim tithei Pathian neitu ni si hi ka chan a chauvin ka thaw a va pik em?
Ka dilna leh tawngtaina zawng zawng te, beiseina leh duhthusamte hi a thamral mai dawn em ni?
Ka beiseina leh duhthusamte chu thamral thin mahse ka mamawh erawh pekin ka awm dawn tih ka hria a chhan chu 'Nangman Engkimah Min hria E'

November 10, 2011

Hringnun Hlimthla


  • Hlimtaka mikhual thlengtu chuan mikhual hlimtak a nei thin.
  • Mi huaisenin amah chawhphur nan khuang a mamawh lo.
  • A hretlem berin a sawi tam ber thin.
  • Kang tuar tawh chuan mei a hlau thin.
  • Mahni pawh in hriatchian tumlo chuan engmah hriat chian a tum ngai lo.
  • Chapona hi tlachhe tur entirtu a ni.
  • Pumpelh kawngin channa ruam a pawh chawk thin.
  • Midang mamawh lova inhriatna hian nun khawharna a thlen thin.
  • Nawmsakna thlahleltu chu a nuamsa ngai lovang

Source : THE SHADOW (Hlimthla). Ngengpuitlang Monthly Bulettin. 2005 ' Oct Issued