Mi Lem Rit Zawk Chu.....!!

Nikhat chu, Lal khawnbawlten ruahsur tlaina chhan nia an rin an sawi khawm laih laih lai chu Akbara chuan ngun deuhin alo ngaithla a.

Khawnbawl pakhat chuan, ‘Hmanlai thawnthu atangte a ngaihtuahin Varuna, Tui Pathian hi kumin chu kan chungah zah ngaihna a lantir dawn lo a niang’ a ti a.

A bul lawk a khawnbawl pakhat chuan, ‘Kum bul kan hmangtan ve dawn chauh a nia, ngatinge tunah kan lo sawi ve vak..? Varuna pawh a hmanhmawh lo pawh a ni maithei a sin, mahse hei erawh ka chiang, kan chungah ngil a nei ang a, ruahtui pawh khamkhawp kan dawng ngei ang’ a lo ti ve bawk a.

Khawnbawl dang pakhat chuan, ‘Ruahtui te chu Indra thu a lawm, Indra te chu pathian te pathian ani a, pathiante zawng zawng paw’n a thu pek an zawm thin a lawm. Indra hian Varuna hi thu pe sela chuan Varuna hian ruah a sur tir tawh ngei ngei ang’ tiin alo hnial hlawm a.

Chutih lai tak chuan Akbara chuan, ‘ A nih Indra chu ka ai paw’n a ropui i tihna ani maw?’ a lo ti a. Lal khawnbawlte chuan chhan ngaihna hre lovin an ngawi thup mai a. ‘Indra chu aropuiin thil a ti thei a, Pathiante pathian, Van a roreltu, a Sai chhuanvawr leh thilti thei Evarat chungah a chuang thin a,  ramhuai tam tak a ti boral a, Hindu Sakhua ah phei chuan a aia chungnung an awmlo a, a thinrimna aurawl chu khawpui ri hi a ni’ tih an hre vek si a.

Tunge Van pathian, thil ti thei tak leh Lei mihring thi thei tehkhin thei ang le? Eng anga ropui leh thiltithei pawh hian Indra ne pawh an ek lo a. Chu chu thudik a ni. Mahse Khawnbawlte chuan Lalpa tih thinrim an hlau si a, Indra a ropui zawk ani tih an sawi ngam silo. Zawitete in engtin nge Lal chu an chhan ang tih an sawi sep sep a. Akbara’n a tuar thei ta lo…!!

‘Min chhang vat ta che u, Indra nge ropui zawk keimah’ a ti tuar (h) a. Khawnbawl zinga upa ber chuan, ‘ Lalpa nangmah I ropui zawk e’ a ti chuai raih a.  

‘A finfiahna min pe tur a ni, Indra aiin ka ropui zawk ani tih hi I fiah ngei tur a ni’ Akbara chuan a titlat mai le.

Chu tih lai tak chuan Birbala Lal inah a rawn pen lut ve chiah a, Akbara’n khawnbawlte Indra aiin a ropui zawk ani tih fiah tura a thu apek ri chu a lo hre hman a.

Birbala chuan, ‘Lal zahawm a harsa hlei nem keiman a fiahna thu chu ka’n hrilh ang che’ a ti a.

“Brahma, Lei leh van siamtu hian nikhat chu amah ang chiah Milem pahnih a siam a, ti chuan chu a thil siam zangzawk chu Indra tia vuahin vansang lamah a thawn chho a, ti chuan vanah khian awmin ro a rel ta a ni. A rit zawk chu leilamah a thlak thla a, chu chu nang mah hi I ni. Khawvel awptu I ni si a..!!” a tia.

Akbara chu ring takin a nui chhuak a. Hetiang ang chhanna fing hi a lawm a mamawh thin. Chu chu Birbal a chiah hian a pe thei thin a ni. Tunah pawh Birbala bawk hian alawm lungawina siamsak leh ni.  

"Big book of Akbar- Birbal atanga lakchhuah leh lehlin a ni" -Lura Hranglungchhung