Mother's Day pualin Nu Hmangaihna.....!!

"Ka nu duhtak, tun thlenga min la dampui avangin ka lawm e"

Ni khat chu kan fapa naupang te kum 6 hian a nu ei rawngbawl lai chu lehkha them hi a pe a, a nu chuan a kut chu an hru hul te te a, a fapa lehkha pek chu a’n pawt parh a, he thil hi alo in ziak a.

1.       Hnim ka cut man Rs 5

2.       Tun kar chhung ka room ka tih fai man Rs 3

3.       Dawr a min tirhman Rs Rs 2

4.       Dawr a i kal kara ka nau ka lo awm man Rs 5

5.       Bawlhhlawh ka paih man Rs 6

6.       Sikula ka tih that man Rs 4

A vaia i ba Rs 25

Kan nu chuan engtin nge a tih ang aw tiin ngawi rengin ka lo thlir a, A fapa chu a’n en vang vang phawt a, chutah Pen a la a, lehkha phek lehlam ah chuan ti hian a ziak a-

1.     Thla kaw chhung ka pai che MAN LOVIN

2.     I dam loh laiin tawngtai tlaivar chungin ka paw tlaivar che MAN LOVIN.

3.     Kum khat chhung teh meuh thih ngam in i nat lai khan ka mittui tam tak i luan tir MAN LOVIN

4.     I thil khal tur leh i hnap ka hruk fai thin che kha MAN LOVIN

5.     Ka fapa ka hmangaih na zawng zawng che pawh hi MAN pek reng reng a ngai lo.

Lehkha a ziah zawh kan nu chuan a fapa hnenah chuan a pe a, kan fapa chuan lehkha chu a’n chhiar a, a 

chhiar zawh chuan a biangah mittui a lo luang a, a nu chu ngun taka en in, ‘Nu kei pawn ka hmangaih che a lawm.’  A tia a, pen a la a, Hawrawppuiin lehkha phekah chuan A ZAVAI A PEK TAWH A NI tih a ziak a.

(He thu hi, tun hmain 'Chicken soup for the soul' tih ah ka chhiar tawh a, mahse a thawnthu ka hre chiang tawh lova, vawiin ah Blog pakhat a, www.inspireme.net ah ka hmu tlem ka siam dang lam a, ka rawn dah a nih hi. tlai tawh viau mahse ka rawn ti ve leh hram hram e)