Mama, ka nunna i nia sin?

Indian naupang pakhat hi a chhungte'n boarding a lut turin hmun hla takah an thawn a, chu naupang chu naupang thiam thei tak ani a, an school ah phei chuan examna reng rengah  ti tha ber a ni zel a.

Mak tak maiin, in chhuah sana boardinga a luh hnu chuan chu naupang chuan a zia a thlak a, examnaah pawh a thla hniam tial tial a. Thiante zingah pawh awm peih lovin mahnia, a fala awm nuam a tizawk a. A nun chu a ning ngawih ngawih thin a, intihhlum teh pawh a duh hial thin, a chhan chu tumahin an ngaihsak lovin a hria a, khawvelah hian hmangaihtu pakhat mah nei lovin a in hria a.



Anu leh pate pawh chuan chu naupang awmdan chu mak an ti a, an ngaihtuah thei em em a, tih ngaihna an hre silo. Nikhat chu a pa'n Boarding-a va kal a, a fapa chu va titi pui a tum a.

Apa chuan afapa chu an school bula Dil kamah a hruai a, an school nuam atih leh tih loh te, an zirtirtute fel leh felloh te, infiamna lampang chanchinte a zawt zel a.

Nakin deuhah chuan apa chuan, 'mama, hetah hian engvanga lo kal nge ka nih i hria em?' a ti a.  A fapa chuan, 'hria e, ka tih that leh that loh hre turin i lo kal' a tia.

A pa chuan, 'Ni lo, ni lo, i hre sual anih chu mama, heta ka rawn kal chhan chu, he khawvelah hian ka tan chuan thil hlu ber i nia sin, i zirlai i tih that leh that loh kha ka tan awmzia a awmlo, mahse i hlim ka duh a ni, ka ngaihtuah che a, i hlimna tur ka ngaihtuah ani, lungngai a i'n dawm kun reng chuan ka nun hian awmzia anei lo, a chhan chu maw mama, ka nunna i nia sin' a ti a.

Chu thu a hriat chuan, naupangte chu a mittui a tla a, a pa chu a kuah ngawih ngawih a. tu atang chuan  khawvelah hian hmangaihtu anei tih a in hria a, tuman a lungngai hmel an hmu leh tawh lovang.............!!!!