Hmelthate hmelthatna chu a hmutu mitah a awm ti thin mah ila, Hringfaleng zawngte mitah hian hmelthate hlutna leh mawinate chu a bo chuang dawn silo, Tunge Rose Par aia Anthur Par mawi ti a, Hmangaihte Rawlruk Ngai le?
Hmelthate chuan Siamtu kut thenthiamzia an entir thin a, an nungchang mawina chuan Lei tha zing atanga Pangpar lo par chhuak hlut bikzia a entir thin. Nawmsipbawlna in hmelthatna ati chuai a, chapona chuan a hlutna a tibo bawk thin.
Hmelthatna in chapona a thurualpui chuan Arawn mi chuk hrat tak ang chauh alo ni ang a, Uangthuanna a inbel phei chuan Lunghlu lem ang chauh alo ni ang.
Finna tellova hmelthatnain hlutna a neilova, a vul lai pawh a tawp thuai thin. Hmeltha chu inngaitlawm sela, a thatna alo pung sawt ang a, finna nei sela, alo mawi leh zual dawn a ni.
Mi tamtak, hmelthatna tichhe zawnga hmelthat tum an awm a, Hmelchhiatna ti zual zawng a hmelthat tum an awm bawk thin.
Chhungril thatna tellova hmelthatna chu Pangpar, tur nei ang a ni a, In rawng hnawih thar, chhung lam ruak huai ang chauh a ni.
Hmelchhiate chuan an nungchang mawinain an hmel an titha a, Hmelthate chuan an at avang liau liauin an hmel an tichhe bawk thin. Hmeltha a tak nih aiin Hmelchhe a tak nih a pawizawk a, hmel a that poh leh fin a ngai a, hmel a chhiat poh leh at a hlauhawm leh zual.
Hmelthatna chu a neituin chuai mai turin phallo mah se, a vullai erawh hriat a har hle si a. Siamchawp mawina chuan Mawina tak tak a pe lova, Nungchang mawina erawh chuan mawina ata mawi leh zualnaah a chawisang thin si. Hmelthatna chu a neituin tumkhat a hmel a tihhem tawh chuan chatuan atan a hmelthatna tihchulin a awm tawh thin. Hmelthatna hi Pathian thilthlawnpek hluber a ni si a.
H. Vanlallura
Hmelthate chuan Siamtu kut thenthiamzia an entir thin a, an nungchang mawina chuan Lei tha zing atanga Pangpar lo par chhuak hlut bikzia a entir thin. Nawmsipbawlna in hmelthatna ati chuai a, chapona chuan a hlutna a tibo bawk thin.
Hmelthatna in chapona a thurualpui chuan Arawn mi chuk hrat tak ang chauh alo ni ang a, Uangthuanna a inbel phei chuan Lunghlu lem ang chauh alo ni ang.
Finna tellova hmelthatnain hlutna a neilova, a vul lai pawh a tawp thuai thin. Hmeltha chu inngaitlawm sela, a thatna alo pung sawt ang a, finna nei sela, alo mawi leh zual dawn a ni.
Mi tamtak, hmelthatna tichhe zawnga hmelthat tum an awm a, Hmelchhiatna ti zual zawng a hmelthat tum an awm bawk thin.
Chhungril thatna tellova hmelthatna chu Pangpar, tur nei ang a ni a, In rawng hnawih thar, chhung lam ruak huai ang chauh a ni.
Hmelchhiate chuan an nungchang mawinain an hmel an titha a, Hmelthate chuan an at avang liau liauin an hmel an tichhe bawk thin. Hmeltha a tak nih aiin Hmelchhe a tak nih a pawizawk a, hmel a that poh leh fin a ngai a, hmel a chhiat poh leh at a hlauhawm leh zual.
Hmelthatna chu a neituin chuai mai turin phallo mah se, a vullai erawh hriat a har hle si a. Siamchawp mawina chuan Mawina tak tak a pe lova, Nungchang mawina erawh chuan mawina ata mawi leh zualnaah a chawisang thin si. Hmelthatna chu a neituin tumkhat a hmel a tihhem tawh chuan chatuan atan a hmelthatna tihchulin a awm tawh thin. Hmelthatna hi Pathian thilthlawnpek hluber a ni si a.
H. Vanlallura
No comments:
Post a Comment