Hringnun Hlimthla

Ni khat chu Tlangval la naupang tak hian nupui neih a duh a, Apa hnênah kalin 'Ka pa, thil ngen duh che ka nei,  Nupui neih ka tum a, keimahin thil engkim ka ti hman silo a, he paperah hian ka thian ṭhate hming 50 ka ziak chhuak a, khawngaihin ka nupui neih nia khawngaiha min rawn tawiawm ve tûrin lo sawm ta che a ti a. Apa chuan, 'teh reng mai' tiin alo chhang a.

In neihni chuan tlangvala chu  tap lek lêkin apa bulah hmanhmawh deuh hian alo tlân a. 'Ka pa, ka thiante kha  call turin ka be si che a....'

'ka call kha...' tiin apa chuan alo chhang vat a, tlangvala chuan 'chuti si, mi 50 kha lo kal tûrin ka beisei si a, hei mi pathum chauh anlo kal si a, ti a.

Ka fapa, a mal tetein ka call chhuak vek alawm, i aiawha ka biakthu ka hrilh vek a, harsatna nasa takin a tlâkbuak che a, tanpui i ngai a, vawiin ni hian nangmah tanpui tur che a, an rawn kal i beisei tih ka hrilh vek alawm..

Ka fapa, lungai suh, i ṭhian diktak te chu an kim e a lo ti a.